إهداء

اهداء
إلى الست العادية
مجهولة الهوية 
خلف الجدران
بتظبط أحلى خلطة توابل
وبتغزل بخيوط العنكبوت
قوس قزح على الحيطان
وبتقف ف طابونة العيش
وطابور رفض الاستمارات
مؤمنة بالجمال حتى المشيب
بتلف الموالد وتزور الكارنفال
وبتعمل إنجازات مالهاش اى لازمة
غير لين القلب وراحة البال
احيانا … مش كل الأوقات 
بترسم البسمة
وبتخبز لقمة القاضى ألوان
وبتنفخ بلالين ف الهوا
وبتكتب جوابات بطوابع زمان
بحبر ازرق ووردات
وبتعرف تهرب م الأفكار
وبتتقى شر نفسها
احيانا… مش أكيد
بتتنفض طوفان ونسيم
وساعات وقت التوهان
بتكلم صدى صوتها
ولما بتنسى اصل الحكاية
بتفتكر الحوارى والذكريات
معندهاش إجابات كونية
وأحلامها لتجلى الذات
تعشق التفاصيل والاهتمام  
وبتكمل حياتها عادى
بتصحى عادى وتنام عادى
ف سلام
وبتكتب ف كراسة الطبخ
إهداء
الى كل ست مش عادية
مجهولة الهوية
خلف الجدران
هاربة الحروب والمؤمرات
سجينة اختلاف اللسان
مع كل الرضا والحب والامتنان

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s